حياتي قرار
غصن بان
وسط الغيطان
مربوط جناحي
وطاير لفوق
رافض أكون
أو لا أكون
لازم أكون
باصص لفوق
زي القمر
نور بضيه
كل الدروب
زي الشجر
رويان بيطرح
داوى بخضاره
كل القلوب
رافض أكون
شمس النهار
عشانها طاطت
ساعة غروب
عايز أعيش
زي الجبل
عالي بشموخ
زي الهوى
يجري يسافر
بلاد بعيدة
طال القصور
لحظتها فرح
غلبان في كوخ
عايز أحس
عايز أحب
ساكن قلوب
مالك هوى
لواحد يادوب
نايم في حلمي
عايش أمير
أصحى الاقي
ملكت القصور
ماشي في يوم
على شط بحر
شفت القمر
ويا النجوم
بين الغيوم
نوروا على
سطح مركب
كل إلي فيها
راجل كبير
وعيل صغير
حاسس بخوف
والموج بيغدر
والخوف يبان
منهم كتوم
وصلوهم
للشط عندي
أول ما وصلوا
على رمل شطي
نسيوا الهموم
خدت القرار
لازم أعيش
زي القمر ويا النجوم
لازم أكون
في الدنيا وتد
زي الجبل
أمشي ملك
وسط الرعايا
في دنيا ما تعرف
غير الضحايا
معنى البساطة
وحقولها ببساطة
بغير البساطة
لا في ملك
ولا في وتد
حتفضل ضعيف
أملك في حب الناس
أملك وكون للناس
تعيش ملك
وسط الاحبة
بحبهم ذكرك وتد
تعيش قمر
نورك مدد
بطول المدى
في كل الحدود
فكر تكون واخد قرار
عايش قرار
حياتك قرار
ماهي الدنيا
العيشة فيها
مجرد قرار
ليست هناك تعليقات:
إرسال تعليق