مجروح ........
رسالة لكل المجروحين
والجرح علم
انا قلبي من كتر الالم
سلم
سلمت نفسي للعذاب نوبة
حتى العذاب من صبري انا
اتكلم
زعق ف وش السكات عيبىة
دخل مدرستي انا
اتعلم
اسف لكل المجروحين
جرحي انا صاحي
يصرخ ومن غير صوت
من وسط افراحي
وفرحي لو دام يوم
الحزن مداحي
عايش سعيد انما
الدمع فضاحي
اسف يا كل مجروحين
الهوى توبة
كام تعيس شبهي
وقال للهوى توبه
لو نيتي العب
كيف الطريق توبة
تاب العنيد فيا
من عندها توبه
سامحت كل المجروحين
بدل العتاب والهم
مبقتش قادر ع العتاب
ومبقتش بسمع هم
وهمي كان غربتي وسط الحبايب
هم
اول حبيب حبني
خد مني حبي وراح هم
وعجبي
#يوميات_بهلول_ج_2
#خالد_الجالس
