مصر البلد
عسكري ببندقية
وبدلة باجي
وشيخ رئيس
وضهر مكشوف
للعدو
ونيل جريح
وشمس حامية
ومركبة من غير
شراع
في وش ريح
وواحد الشك
راكبه
والشعب رافضه
هي دي قصتي
من يوم ما ثورت
كيف ترفع يا ظالم
جزمتك
في وش أية من
عند ربك
أمنها ونزل ليها
نبي
عشان سنتين عجاف
وانهارده فين
النبي
ونيلها قرب على
النشاف
ونيلها قرب
ينتهي
والحكاية حتنتهي
إمتى يا ظالم
تستحي
والأرض بهدلها
الجفاف
إمتى تخلص
المسرحية
ويظهر المستور
هلي يا ستاير
وفضحي المخرج
دي المسرحية
تألفت والشعب
بات منصور
بس يا ريت النصر
كان باليد
النصر كدبة
ورئيسنا كدبة
وجيشنا كدبة
والنصر غفلة
مين إنتصر على
يد مين
لما ضحينا بالأم
ويا الجنين
ولما بكينا
الدمع دم
وياريت الدم
يبقى دم
وسط الحقوق
داعت دمانا
في المسرحية
زغرتي يا أم الشهيد
وانذري الشمعة
خلينا نبقى
للخرافة
وتتنسي الدمعة
ويتنسي ولدك
ويوم ما مات
ويتنسي الظهر
حتى إلي إنكسر
فبإسم شعبي
المنتصر
أنا بسألك
يسعادة الكدبة الرئيس
عرفت إنك كنت
تابع للأُلي
وعرفت تبقى
بأمرهم
وعشت تابع
ومن النهارده
إزاي أعيش وأبقى
تابع
وإلي تبعته لسه تابع
أيدت فيك
كرهي النظام
خيرت نفسي بينك
وبين نسياني
الكلام
فلقتني بختارك
وينكسر قلمي يوم
ما
إتمنع منه
الكلام
يا سيادة الكدبة
الرئيس
فخلصونا
المسرحية
الضحكة فيها
مسلسلة
حتى عيونا
مسلسلة
ولا القرود
حتى القرود
عيونها فيها
البجاحة
ومبقتش قادر على
البجاحة
ومن البجاحة
أنصر المظلوم
وأنا الظالم
فياريتك تقدر
على رد المظالم
دا هما قالوها
في المثل
لابد من يوم
معلوم
تترد فيه
المظالم
وإمتى حياجي
وقتها المعلوم
مبقتش بصدق مثل
دي بلدي هي
المثل
لما السجين يحكم
السجان
لما يخيروني
ويتملي برفضي
الميدان
والله يامخرج
أبدعت فينا
العبر
ويا ريت نتعلم
عبر
فأمانة يا ريسنا
الجديد
كدب كلامي
وسمي شعبي
المنتصر
