دولة داخل دولة

دولة داخل دولة

بلادنا دولة 

ولا إتنين !

ولا دولة 

ما بين إلتنين !

دولة شعب جعان تعبان 

ودولة بتحكم في العيان

ودولة بتلعب على الجنبين

 فبلادنا دولة ولا إتنين 

ولا دولة مابين إلتنين

إتعب ، أحكم 

و غيرك يلعب 

ويلبس وش المسكين 

مسكنته سكينة بصدري 

يحميني وبيغزي العين 

يحميني وبيستر كدبه 
والكدب ملهوش رجلين 

الكدب انك بتطاطي 
لنفس غرورة بوشين 
فبلادنا دولة ولا اتنين
ولا دولة مابين لتنين
فبلادنا حاكم ونفوظ 
والي بيحكم بيفوز 
ولا النصرة للبلادين 
ينهش يحكم 
يقتل يظلم
وشعار الشعب بيدين 
يد الدين اتلطخ فيها 
ويد بتلعب ع الجبين 
وشعار الثورة الحرية 
ولا التوها ما بين التنين 
ايتها النفس المجبورة 
عيشي تعايشي 
بقتل الزين 
والزين كلمة صعيدي
يعني الحق الفرد العين 
قتلوها بزند التنين 
فبلادنا دولة ولا اتنين 
ولا دولة ما بين لتنين
اصرخ يا الي الحق معاك
رجع تاني حكم الزين 
ولا الزين خايف 
من ضعفه 
خايف يحكم بين بلدين 
بلد رابعة العدوية 
وبلد تحرير يا زين 
عود نفسك 
يا الي حتكم 
انك ترضي إلتنين 
وإلا حيطلع 
الطرف التالت 
العن والعن 
من إلتنين
فبلادنا دولة 
من رأيين (رأي)
رأي منافق كداب 
ورأي إرهاب وعذاب
ومصر تضيع 
يا ولاد ............... (الزين)