مات الولد
ساتر تراب
ومركبة على ضهر بحر
وسط الضباب
وسط الغيوم
على بعد متر
ظهرت جماجم
من ضحايا نصر
من ضحايا كل شبر
على أرضنا
أرض مصر
تصرخ وتبكي
ودمعها يزرف
على كل كدبة
خدعنا بيها نفسنا
على كل نصر
على كل طفل
على كل شاب
ضحا عشانا كلنا
على كل أم
شافت ضناها قتيل
وبجسمه نار
كان بيحلم حلمنا
يحلم بطير
يشيل غمام الليل
وياجي بغير
وعلى كل فجر
ومع كل طلعة نهار
بيصرخوا
فين حقنا
فين الرسالة
فين دمنا
ساعة الشهادة
فين حلمنا
في كل بيت
هو ده
تعيشوها غابة
من بعد ما طلبنا العدالة
تخلوها دمار
وتسلموها رهينة
للإنتظار
كنا ننادي
بالإنسانية
مسلم ، مسيحيي
كل بدينه
في الوطن نعيش بسلام
عيشة هنية
عيشة سوية
ونفس رضية
تقتلوها وبعد موتها
تسلموها للبلطجية
خلاص موتنا
وماتت القضية
فأصرخ يا نيل
وابكي يا شجر الوادي
إنزف دماك
يا تراب بلادي
مات الولد
والدور عليكي
يا بلادي
ويحميكي ربي يا
بلادي
لا
مصر آبدى
بكل جهد
مصر آولى
نموت عشانها
مصر الأمن والأمان
كلمة من عند ربي
وفدا ليها شبانها
راجعة من تاني
من بعد طول الهجر
عن أوطانها
فأمانة يا ولاد مصر
عيشوا عشانها
كونوا الوتد للسفينة
لو مات في يوم
ربانها
............................
كوووووووووووووووووووول
ردحذفالله ينور عليك
ردحذفكلام جميل وبجد اسلوبك حلو كتير تسلم ايدك ياابن مصر
ردحذف