...............
رحايا يا دنيا الظلم بين
بتطحني قلوبنا
حتى الشجر والقمر
بيتأسفوا لتوبنا
....................
وظلمك مش مبين
...................
ظلموا الكبير
وجرجروا عياله
ودوروا القتل فيهم
ما هو الدم هين
...................
وظلمك مش مبين
........................
سيبك يا دنيا
من دور المسكنة
مش لايق عليكي
أصله الدم طايلك
وملطخ إديكي
....................
وإحنا عيالنا صغيرة
وإتعودوا عليكي
اتعودوا في أرضك يجيبوا
الحق بلطجة
واتغمضي عنيكي
.....
غمضتي عينك زمان
لو فاكرة ماضيكي
غمضتي عينك
عن غريب
وبتدفعي أهيكي
...............
تمن سكوتك تقل
وبعتي أهليكي
بعتي عيالك
وهما بيحمولك
عرضك
.......
ورسمتي نيلك
مقبرة ليكي
..................
وسبتي ولدك
يدفع تمن ظلمك
وسبتي الجهول
يحرق حتى علمك
وكفنتي رجليكي
...........
فمتسأليش لما
أبيع أنا فيكي
واقسم شطورك
وأبيع جدايل عزتك
برخص التراب
بيكي
.................
بس عارفه يا بلدي
أنا رواني رغم الضباب نيلك
وشبعني شجرك
ولسه بغنيلك
(تعيشي يا مصر
حرة بحرية
تعيشي يا مصر
ويكون الأمل فيكي )
.....................
فبكرة تشوفي
إلي ظلموني بإديكي
مسحولين على ترابك
وتبقي تغمضي عنيكي
..................
والي قتلوا
حبايبي وصحابي
هروي بدمهم نيلك
وشرب من عفا
شجرك
وهلملم رماد علمك
ويرفرف على أراضيكي
بس إرضيني
يا بلدي
ومتحكميش
ظالم فيكي
تعيشي يا مصر
حرة بحرية
وبكرة جميل
ليكي
...................................
.....................
ليست هناك تعليقات:
إرسال تعليق