خلص الكلام
................
خلص الكلام بينا
وبين كل من طاطا
قالها هشام قبلي
كل الكلام إتقال
دي عبارة سطاطا
مات الكلام
دي جيوشنا رطاطا
مدوا حبالها قلوع
عاش كل من طاطا
قالوا ده هو مشير
شاور على غيره
أخرص وجه وقته
يبني قلوع غيره
أخرص وراد ربي
يخرج على صمته
مات الجبان فيا
من كتر ما عملتوا
أقتل يا أبو العسكر
وإرفع جدار سجنك
لو قتلي كان ينفع
نفع فمين قبلك
قتلني ولقاني
واقف على قيده
والله ده كله كلام
أخطل ما حيفيده
تبقوا تجيبوا سلاح
وأنا أرد على سيده
وإدوا عيالي الطوب
أقلع عيون حرسه
وأخبط على إيده
ده كل إلي في إيده
سلاح
وسلاحي مين قده
أخرص وحيده
حتى ولو أعمى
حيهده ويقيده
بكره النيران تاكل
قديمه وجديده
أقتل كمان وقتل
حل قيود صبري
أقتل كمان وأمر
أمر في كام أهبل
ده إنت كمان
أهبل
ده جيشي
مش جيشك
حكم كمان هبلك
وقطع هنا عيشك
ده يامه
بنقول لك
ده عيالنا رجاله
وإلي مشوا أوامرك
عيشينها بعواله
عيشين على كتافي
ويقتلوا ولدي
لسمعوا كلام قسيس
ولا طاعوا في يوم
شيخك
قتلوا عيالنا كتير
وقتلوا كمان شيخك
والله
بكره تدور أيام
يطلع هناك راجل
راجل ومن دارك
يهدم هناك عزك
ويقل مقدرك
فلو كنت
إنت مشير
علم عيالك إلإحترام
ده للحرمه
عندينا مقام
أعلى منك
من نجومك
من نسورك
من سيوفك
وخسارة
فيك الكلام
إيه الكلام
بعد قول عسكر
رسمنا ليهم مقام
سيبوا الحكاية تتحكي
ولو همك
مين أنا
أنا شاعر
مغلوب على أمره
عيبه إنه إتخلق
بيعبر على همه
سكت وقال أهلي
عيزين ليهم سند
يهون غدر الزمان
فلو جات على أمي
فأمي عيالها كتير
ولو جات على أبويا
أموت راجل
ولا أموت جنبه جبان
ف والله
بكره تدور أيام
يطلع هناك راجل
راجل ومن دارك
يهدم هناك عزك
ويقل مقدارك
خلص الكلام بينا
وبين كل من
طـــــاطـــــــــا
.......................
..........jpg)
....
.jpg)
.... 
ليست هناك تعليقات:
إرسال تعليق