إنذار
..............
عسكر عسكر
سلطة وجيش
شعب وشورى
مفيش تنفيز
عسكر يضرب فينا ونسكت
إخوان سلفية
عشان مصلحهم
الشعب رخيص
الشعب يموت
وفأول كلمة
بس إحنا نعيش
مصلحنا تعيش
والحق يضيع
حق شيدي
وحق عيالي
قدامي صريع
نستونا إيه مطلبنا
نستونا حتى حقوقنا
نستوني يوم ما صرخت
بعلو الصوت
بلادي بلادي
لا تستكيني
طاب إيه عايزين
إيه عايزين
عايزنها دمار
عايزينها حصار
عايزينها شروه
للتجار
ولا إيه عايزين
عايزينها رواية
عايزينها
حكاية بوسط كتاب
وللكتاب
إيه عايزين
عايزينها ضحاية
وبقلب الغاب
وتولعوا فيها
طاب إيه حتقولوا
لما قتلتوا شبابي
وسبتوا شيوخ
طاب ما إنتوا شيوخ
وفيوم حتكونوا بوسط تراب
وهناك بيبان
مين الصادق
مين كداب
مين كدبنا
وفي قلبه الخير
ومين صدقنا
وتنصب وبظلمه أمير
طاب قول يا أمير
ما تقول يا كبير
إمتى حياجي لينا الخير
دحنا بلادنا حتى الصحرا
رمالها الصفرا فيها الخير
وعلم عيالنا
ما بيخلصش
ولا ينقصش
بس مصيبته إنه
بيطفش
عشان ملقاش
في زيك خير
ما تقول يا أمير
عايز إيه
ما تقول يا أمير
إمتى تقوم لبلادنا قيامة
إمتى العيشة متكنش غرامة
غرامة وبس على الغلبان
إنه يبات في ليله جعان
وعياله بتصرخ
ولا تلحقش ولا بتنعسش
يبقى العيشة حتبقى محال
لما الظلم حيبقى الحال
ما تقول يا أمير
إمتى تقوم لبلادنا قيامة
إمتى نفوق ومن الدوامة
والنفس لوامة
دي التوهه هدامة
والتوهه فرقتنا
لما الأخ يقتل أخوه
ولما( دعاة) الدين
يتخانقوا على منصب
واهي
لما الظلم يصيب الطير
يعل الزرع
ده الزرع فقير
الزرع جعان
ومش عطشان
والزرع يحس بيا وبيك
إيه حيكون قولك يا أمير
قول يا أمير
عايز إيه
........jpg)
......
.jpg)
......
ليست هناك تعليقات:
إرسال تعليق